 Degmada
Baraawe oo ka mid ah degmooyinka Hoos taga gobolka Sh/hoose
ayaa waxaa 48kii saac ee ugu danbeeyay ka tagay oo si tahriib
ah uga baxay xeebahaasi dhalinyaro fara badan oo ku sii jeeda
dalalka Kenya,K/Africa iyo Yemen kuwaasi oo lagu arkayay iyagoo
buux dhaafiyay goobaha laga raaco gaadiidka Blka ah ee aada
halka laga doomahaasi looga safro.
Qaar ka mid ah dhalinyaradaasi oo ku dhiiran sidii ay xeebaha
magaalad Baraawe uga tahariibi lahaayeen ayaa waxaa ay oo u
waramaye Idaacada Shabelle u sheegeen in ay ka cararayaan
dhibaatooyin ay sheegeen
in ay kala kulmeen dalka Soomaaliya isla markaana aysan heysan
meel ay ka shaqeeystaan taasina ay door bideen in ay ka tahriibaan
oo ay abaaraan hadba halka ay isleeyihiin waad ka heleysaan
meel dhaanta nolosha dalka Soomaaliya.
Tahriibka Dhalinyaradani ayaa waxaa ay ku soo beegmeysaa xili
Saxaraha wadamada Sudan iyo Libiya isku xira iyo weliba badaha
u dhexeeya Somalia iyo Yemen iyo Libiya iyo Itlay ay ku nafwaayeen
kumaan kun oo dhalinyaro Soomaali u badan iyo sidoo kale
dhalinyaro Soomaali ah
oo buux dhaafiyay xabsiyada wadamada Aduunka kuwaasi oo ka cararay
dagaalada Aan joogisaga laheeyn ee ka taagan dalka Soomaaliya
.iyadoo ay waliba u sii dhertahay shaqala aan ta joogtada iska
noqotay
Qamarmac@hotmail.com
Mogadishu - Somalia
Safiirkii Soomaaliya ee Dalka Malaysia
oo Nairobi ku geeriyooday
20_07- 2008 Codka Haweenkal
, Mogadishu , Somalia .
Waxaa bishan
July 26 keedii ku geeriyoodey Magaalada Nairobi Dalka Kenya
Allaha u Naxariiste Maxamed Xaji Cabdi oo dhawaan loo magacaabay
Safiirka Dalka Malaysia u Fadhiya Dowladda Fedaralka Somalia.
Marxuumka oo horey uga mid ahaan jiray Guddoonka Waxbarashadda
ee Gobolka Banadir (REO) xilligii Xukuumadii Militariga ayaa
wuxuu ahaa shakhsi aad looga dhex yaqaanay bulshada Somaliyeed
meel kasta ay joogto, gaar ahaan Waqooyiga Ameerika oo uu ku
noolaa sanadihii danbe ee dagaalka sokeeya ka dhacay Soomaaliya.
Alla ha u naxariistee Maxamed Xaaji Cabdi waxaa lagu aasay magaaladda
Nairobi ee Dalka Kenya, wuxuuna ifka kaga tagay Lix caruur ah
iyo hooyadood.
Marxuumka waxaan eebbe uga baryeynaa in uu naxariistii Janno
ka waraabiyo, Ehelladii uu ka baxaynay samir iyo iimaan ka siiyo.
Aamiin
|
