05_07_08_codkahaweenka.com , somalia

Ururro ay ku midoobeen Haween ku dhaqan Gobolka Banaadir ayaa maanta waxay deeq lacageed gaarsiiyeen haween tiradooda kor u dhaafeyso 40 haween ah, kuwaasi oo ku dhaawacmay Qarax shalay ka dhacay Wadada Makka Al-Mukarrama ee Magaalada Muqdisho.

Guddoomiyaha Ururka Ganacsatada Webi Shabeelle Marwo Caasho Shaacuur Ugaas oo ka mid ahayd Haweenkii deeqda lacageed gaarsiiyay haweenkaas dhibanayaasha ah ayaa sheegtay in ay iska soo uruuriyeen lacag dhan 40 Milyan oo Sh. So ah, isla markaana ay u qeybiyeen 38 Haween ah oo lagu daweynayo Isbitaalka Madiina, kuwaasi oo qaraxii shalay ku dhaawacmay.

Caasho Shaacuur Ugaas waxay sheegtay in Haweenka ay lacagta u qeybiyeen ay yihiin kuwo uur-ku-taallo ku abuurayo qof kasta oo arka, “Haweenka aan aragnay waxaa ku jirta Gabar qaraxaas ku weysay labadeeda lugood oo hadana xaamilo ah, taasi oo hadana ka soo jeedda qoys sabool ah oo aan wax heysan”ayay tiri Caasha Shaacuur Ugaas oo ugu baaqay shacabka Soomaaliyeed iyo hay’adaha Samafalka in ay Haweenkaas dhibaateysan ay u gurmadaan.

Ugu dambeyntiina, Caasha Shaacuur waxay mahadcelin u jeedisay Maamulka, Dhaqaatiirta iyo Kalkaaliyayaasha Caafimaad ee ka howlgala Isbitaalka Madiina, kuwaasi oo ay sheegtay in ay si weyn ugu gurmadeen Haweenkii dhibaatada soo gaartay

Ma aha marii ugu horeysay ee Haweenka wabi shabeele ay deeq lacageeg gaarsiiyaan dad dhiban ee waxay ka mid ahayd haween iyagu dib u furay isbitaalka Hooyada iyo dhalaanka ee banaadir

Mas’uuliyiin ka tirsan Maamulka Gobolka Sh/Hoose oo shir uga qeybgelaya dalka Kenya loogana hadlayo dhibaatada heysata Dadka u barakacay Gobolkaas

05_07_08_codkahaweenka.com , somalia

Waxaa saakay ka dhoofay Garoonka macmalka ah diyaaradaha Magaalada Marka ee Xarunta u ah Gobolka Shabeelaha Hoose mas’uuliyiinta ka tirsan Maamulka ka arrimiya Gobolkaas, kuwaasi oo sheegay in lagu casuumay ka qeybgalka shir looga hadlayo dhibaato heysata Dad u barakacay deegaanno ka tirsan Gobolka Shabeelaha Hoose.

Guddoomiye ku xigeenka Gobolka Shabeelaha Hoose ee dhinaca Arrimaha Ammaanka Maxamed Maxamuud Cilmi iyo Isu-duwaha Gargaarka Bani’aadannimada Gobolka Maxamuud Daahir Qoolley ayaa sida ay sheegeen diyaarad uu UN-ka u soo diray waxay ka raaceen Garoonka Diyaaradaha Ceel Axmed ee duleedka Magaalada Marka.

C/llaahi Qoolley oo ka hor intii uusan ka amba bixin Magaalada Marka la hadlay Warfidiyeennada ayaa wuxuu sheegay in lagu martiqaaday Shir looga hadlayo wax ka qabashada dhibaatada heysata dadka u barakacay deegaanno badan oo ka tirsan Gobolka Shabeelaha Hoose, wuxuuna intaas ku daray in shirkaas oo dhici doona 6-da bisihan ay ka jeedin doonaan warbixin ku saabsan gobolka ay ka socdaan iyo wali sidii wax loogu qaban lahaa dadka dhibaateysan ee ku dhaqan gpbaolka sh/hoose..

xafiiska codkahaweenka.com