 waxaa
hoteelka international village ee boosaaso lagu qabtay xaflad
aad loo soo agaasimay laguna furrayey faricii ugu horeeyey ee
jaamacada muqdishu ee deegaanka puntland.
 xafladaas
oo ahayd mid aad loo soo agaasimay ayaa waxaa ka soo qeybgalay
boqolaal ruux oo isugu jira hayadaha dowlad goboleedka puntland,
hayado caalami ah,bahda waxbarashada, aqoonyahanada, culimada,ururada
bulshada rayidka,isimada,ganacsatada
haweenka dhalinyarada iyo ardada dugsiyada sare ee gobolada
bari ee puntland.
 xafladaan
oo ahayd mid aad usoojiidatay ka soo qeybgalayaasha waxaa lagau
daawaday filim muuqaalo sawiri iyo qoraalo isugu jira oo ka
sheekeeynayey taariikhda jaamacada muqdishu wax qabadkeedii
mudadii 12ka sano ee la soo dhaafay iyo duruufihii ay soo martay
wuxuuna dadkii daawanayey uu ku reebay xusuus aad uqiimo badan
waxaana filimkaas dadka usharaxay mudane C/raxmaan macalin C/laahi
(baadiyow) oo ah guddoomiyaha Board ka Jaamacadda Muqdisho,
waxaa kale oo halkaasi ka hadlay
wasiirka wasaarada wax barashada ee dowlad goboleedka puntland
mudane maxamuud bile duble oo si aad ah usoo dhaweeyey furida
faracaan sheegayna in jaamacadu ku soo kordhin doonto gobolada
puntland khibrad aad udheer oo ay ka kasbatay 12ka sano ee howsha
ay ku guda jirtay.
 ugu
danbeyntii waxaa aragtida jaamacada iyo faraca cusub ka hadlay
gudoomiyaha jaamacada muqdishu Dr- cali sheikh axmed abuubakar
(dhibta ugu weyn ee dalka ka taagan oo ah tan keentay bur burka
qaxootinimada, lumida sharaftii dowladeed qiimihii dalnimo iyo
dadnimo waa aqoon xumo aqoon xumo waxay dhaxalsiisaa jahli gabagabadii
wuxuu gudoomiyaha jaamacada muqdisho wuxuu ku soo gabagabeeyey
hadalkiisii xalku waa tacliin iyo aqoon ku dhisan da daal xoog
badan.
jaamacada muqdishu waxaa la aas aasay 1996 jaamacadii ugu horeysay
ee dalka laga aas aasay burburkii dowlada soomaaliyeed kadib,
jaamacada muqdishu waxay soo saartay 8 sideed dufcadood oo ka
qaatay shahaadada BSC& B.A waxayna ka koobantahay 7 kuliyadood
iyo 22 taqasus iyo barnaamijka daraasaadka sare ( master iyo
P.H.D) jaamacaada oo leh aqoonsi caalami ah kana mid ah 40 ka
jaamacadood ee ugu horeeya qaarada afrika waxaa kale oo ay jaamacada
muqdishu ka midtahay 6 urur oo jaamacadeed oo kala ah.
1) midowga jaamacadaha caalamka
islaamka( fumi)
2) midowga jaamacadaha wadamada carabta
3) midowga jaamacadaha carbeed ee gaar ka ah
4) raabidada jaamacadaha islaamiga ah
5) midowga jaamacadaha afrika
6) midowga jaamacadaha caalamiga ah
xafladiina waxay ku soo gabagabowday
jawi wanaagsan oo farxad leh.
|
